INFRATUZILMA LOYIHALARINI MOLIYALASHTIRISHNI TAKOMILLASHTIRISH: MUAMMOLAR VA YECHIMLAR

Abstract

Infratuzilma loyihalari iqtisodiyotning asosiy tayanchlaridan biri bo‘lib, u davlat va xususiy sektorlarning barqaror rivojlanishiga katta hissa qo‘shadi. Transport, energetika, suv ta’minoti, telekommunikatsiya kabi sohalarda infratuzilmaning rivojlanishi aholi turmush darajasini oshirish, korxonalar faoliyatini yaxshilash va mintaqaviy iqtisodiy integratsiyani rag‘batlantirish uchun muhim ahamiyatga ega. Biroq, infratuzilma loyihalarini moliyalashtirish ko‘pincha katta moliyaviy resurslar va uzoq muddatli investitsiyalarni talab qiladi, bu esa davlat byudjeti va xususiy investorlar uchun jiddiy muammolarni keltirib chiqaradi. Ushbu tezisda infratuzilma loyihalarini moliyalashtirishni takomillashtirishning zamonaviy usullari, muammolari va ularni hal qilish yo‘llari ko‘rib chiqiladi.