XIZMAT SIFATI VA MIJOZLAR QONIQISHINI OSHIRISHDA MARKETING DIAGNOSTIKASINING ROLI

Ushbu tezisda xizmat ko‘rsatish korxonalarida marketing diagnostikasining ahamiyati va uning xizmatlar sifati hamda mijozlar qoniqishini oshirishdagi o‘rni tadqiq etilgan. Marketing diagnostikasi korxona faoliyatining kuchli va zaif tomonlarini aniqlash, bozor muhitidagi o‘zgarishlarni baholash hamda iste’molchilar ehtiyojlarini o‘rganishda muhim vosita sifatida qaraladi. Tadqiqot davomida xizmat ko‘rsatish korxonalarida marketing diagnostikasini amalga oshirish usullari va ularning samaradorligi tahlil qilingan. Natijalar marketing diagnostikasi xizmatlar sifatini yaxshilash, mijozlar sodiqligini oshirish va korxonaning bozor mavqeini mustahkamlashga xizmat qilishini ko‘rsatadi.