ISLOM MOLIYASI VOSITALARI ORQALI INKLYUZIV MOLIYALASHTIRISHNING OʻZBEKISTONDA JORIY ETISH ISTIQBOLLARI

Аннотация

Mazkur tezisda O‘zbekistonda inklyuzivlikni ta’minlashda Islom moliyasi vositalarining o‘rni va istiqbollari tahlil qilindi. Islom moliyasining ijtimoiy adolat va tenglik tamoyillariga asoslanganligi, moliyaviy xizmatlardan chetda qolgan qatlamlarni iqtisodiy jarayonlarga jalb etish imkoniyatini yaratadi. Xususan, O‘zbekistonda moliyalashtirish jarayonida Islom moliyasi instrumentlari orqali kambag‘allikni kamaytirish, kichik va o‘rta biznes subyektlarini qo‘llab quvvatlash, ijtimoiy tengsizlikni bartaraf etish mexanizmlari ko‘rib chiqildi. O‘zbekistonda Islom moliyasi vositalarini bosqichma-bosqich tatbiq etish, xususan zakot, vaqf va qarzi-xasan kabi mexanizmlarni qo‘llash bo‘yicha amaliy taklif va tavsiyalar ishlab chiqildi.