ТИЖОРАТ БАНКЛАРИ ФАОЛИЯТИГА ФОЙДА СОЛИҒИ ТАЪСИРИНИ БАҲОЛАШ

Тижорат банклари мамлакат иқтисодий тизимининг асосий бўғини ҳисобланиб, улар иқтисодий ўсишни таъминлаш, молиявий тизим барқарорлигини сақлаш ва ресурсларни тақсимлашда муҳим рол ўйнайди. Банкларнинг фаолиятини тартибга солишдаги асосий омиллардан бири солиқ тизимидир. Фойда солиғи юридик шахслар, шу жумладан банклар томонидан олинган соф даромаддан давлат бюджетига ўтказиладиган мажбурий тўловдир. Фойда солиғи банкларнинг иқтисодий фаолиятида муҳим кўрсаткич бўлиб, уларнинг даромадларини қайта тақсимлаш ва молиявий барқарорлигини таъминлашда асосий воситалардан бири саналади.