MAMLAKATIMIZDA OILAVIY TADBIRKORLIKNI IMTIYOZLI KREDITLASHDA AHOLINING MOLIYAVIY SAVODXONLIGINI OSHIRISH YO‘LLARI

Аннотация

Oilaviy tadbirkorlik mamlakatimiz iqtisodiyotining muhim tarkibiy qismi bo‘lib, aholining daromadini oshirish va bandlikni ta’minlashda katta ahamiyat kasb etadi. Davlat tomonidan oilaviy tadbirkorlikni rivojlantirish maqsadida imtiyozli kreditlar ajratilishi ushbu sohaning rivojiga katta hissa qo‘shadi. Biroq, aholining moliyaviy savodxonlik darajasi past bo‘lgan taqdirda, kredit mablag‘laridan samarali foydalanish va ularni o‘z vaqtida qaytarishda muammolar yuzaga kelishi mumkin. Shu sababli, oilaviy tadbirkorlikni imtiyozli kreditlashda aholining moliyaviy bilimlarini oshirish juda muhim hisoblanadi.