СУНЪИЙ ИНТЕЛЛЕКТ АСОСИДАГИ ИНВЕСТИЦИЯ ПЛАТФОРМАЛАРИ: МОЛИЯ БОЗОРЛАРИНИНГ ЯНГИ ИНСТИТУЦИОНАЛ ИШТИРОКЧИСИМИ?

XXI асрда рақамли технологияларнинг жадал ривожланиши глобал иқтисодиётнинг барча соҳалари қаторида молия секторининг институционал тузилмасига ҳам сезиларли таъсир кўрсатмоқда. Айниқса, сунъий интеллект (Artificial Intelligence), машинали ўрганиш (Machine Learning), катта маълумотлар таҳлили (Big Data analytics) ва алгоритмик моделлаштириш технологиялари молиявий хизматлар кўрсатиш механизмларини тубдан ўзгартирмоқда. Бу технологиялар молия бозорларида қарор қабул қилиш жараёнларини автоматлаштириш, молиявий маълумотларни таҳлил қилиш тезлигини ошириш ва инвестиция рискларини янада аниқ баҳолаш имкониятини яратмоқда.