MONETAR INSTRUMENTLAR ORQALI TIJORAT BANKLARI LIKVIDLILIGINI TARTIBGA SOLISHDA MOLIYA BOZORINING XUSUSIYATLARI

Bank tizimida likvidlikni boshqarish funksiyasi juda muhim ahamiyatga ega. Likvidlik bankning o‘z majburiyatlarini to‘liq va o‘z vaqtida bajarish qobiliyatini anglatib, uning barqaror faoliyat yuritishiga bevosita ta’sir ko‘rsatadi. Banklarning likvidlik darajasi va rentabelligi o‘zaro bog‘liq bo‘lib, ularning muvozanatini saqlash bank boshqaruvining eng muhim vazifalaridan biridir. Likvidlik boshqaruvi jarayonida tijorat banklari nafaqat jamoatchilikning naqd pulga bo‘lgan talabini qondirishga, balki aktivlarini daromadli qilishga va bank foydasini oshirishga harakat qiladi.