MOLIYA BOZORINING INNOVATSION LOYIHALARNI MOLIYALASHTIRISHDAGI O‘RNI VA RIVOJLANTIRISH YO‘NALISHLARI

Bugungi globallashuv va texnologik taraqqiyot sharoitida innovatsion loyihalar har qanday mamlakat iqtisodiy o‘sishining muhim drayveri hisoblanadi. Yangi texnologiyalarni joriy etish, ilmiy izlanishlarni tijoratlashtirish va startap ekotizimini rivojlantirish orqali sanoat tarmoqlari va xizmat ko‘rsatish sohasi jadal rivojlanmoqda. Biroq, innovatsion loyihalar ko‘pincha katta miqdorda investitsiyalar talab qiladi va yuqori darajadagi moliyaviy risklarga ega bo‘lgani sababli, ularni moliyalashtirish muammosi dolzarb masalalardan biri bo‘lib qolmoqda.