Mazkur tadqiqotda xizmat ko‘rsatish sohasining insoniyat evolyutsiyasidagi o‘rni, uning diniy manbalar va klassik iqtisodiy ta’limotlar bilan bog‘liq nazariy asoslari yoritilgan. Qur’oni Karim, Hadisu Sharif va buyuk allomalar – Al-Buxoriy, Farobiy, Yassaviy, Rumiy, Rabg‘uziy, Bobur, Navoiy kabi mutafakkirlarning asarlarida xizmatning inson kamoloti bilan uzviy bog‘liqligi ta’kidlangan. Xizmat ko‘rsatish sohasi jamiyat taraqqiyotining muhim tarkibiy qismi sifatida ta’lim, sog‘liqni saqlash, savdo va turmush madaniyatini shakllantirishda alohida ahamiyat kasb etgani ko‘rsatib berilgan. Empirik ma’lumotlar asosida shahar va qishloq joylarida xizmat ko‘rsatish ulushi o‘rtasidagi tafovut tahlil qilinib, qishloq aholisi xizmatlardan foydalanishda sezilarli darajada ortda qolayotgani aniqlangan. Ayniqsa, qishloq joylarida xizmat ko‘rsatish infratuzilmasini rivojlantirish dolzarb vazifa sifatida belgilangan.
Жаҳон иқтисодиётида содир бўлган турли иқтисодий инқирозлар, жумладан, «Covid-19» пандемияси шароитида дунё ҳамжамиятининг олдида аҳолининг молиявий саводхонлигини оширишга қаратилган тизимли чора-тадбирларга устуворлик қаратилди. Халқаро ташкилотлар экспертлари томонидан амалга оширилган тадқиқотлар натижаларига кўра, «дунёда, шу жумладан, G20 гуруҳига аъзо мамлакатлар аҳолисининг аксарияти асосий молиявий маҳсулотлар ва ушбу маҳсулотлар билан боғлиқ рискларни тушуниш юзасидан етарли билимга эга эмаслиги аниқланди». Шунингдек, «Иқтисодий Ҳамкорлик ва Тараққиёт Ташкилотига аъзо мамлакатлар аҳолисининг 56,8 фоизи молиявий саводхонлик даражасини аниқлаш мақсадида ўтказилган сўровномаларда минимал балл тўплаган». Халқаро экспертларнинг фикрича, бугунги кунда аҳолининг молиявий саводхонлиги даражасини ошириш мамлакатнинг ижтимоий-иқтисодий фаровонлигини таъминлаш ва барқарор иқтисодий ўсишга эришишнинг муҳим шарти ҳисобланади.
