Амалдаги меъёрий-ҳуқуқий ҳужжатларда амортизация қилинадиган активлар атамасига қисқача изоҳ келтирилган ҳолда таснифлаш мезонлари белгиланган ва молиявий ҳисоботда узоқ муддатли активлар сифатида таснифланадиган активлар таркиби келтирилганлигини кўриш мумкин. 

Мамлакатимизда Ўзбекистон республикаси Президентининг 2020-йил 24-февралдаги ПҚ 4611-сон “Молиявий ҳисоботнинг халқаро стандартларига ўтиш бўйича қўшимча чора-тадбирлар тўғрисида”ги қарори асосида молиявий ҳисоботнинг халқаро стандарти (МҲХС)га ўткан хўжалик юритувчи субъектлар ўз молиявий ҳисоботларини МҲХС асосида юритиб келмоқда.

Монография солиқ тизимини трансформациялашда солиқ таҳлилининг таъсирини баҳолаш, солиқ таҳлилининг фискал сиёсат самарадорлигига таъсирининг баҳолашга методологик ёндашувлар, барқарор иқтисодий ўсишда солиқларнинг аҳоли турмуш даражасига таъсирини тадқиқ қилишга илмий ёндашувлар, солиқ тўловчиларнинг фаолиятига солиқ текширувларининг таъсири таҳлили, солиқ юкини камайтиришда солиқ таҳлилининг таъсири таҳлили, молиявий ҳисобот сифатини оширишда солиққа тортиш, мустақил аудит ва ички назоратнинг ўрни, Ўзбекистонда рақамли иқтисодиёт ва электрон тижоратни солиққа тортиш йўллари, солиққа тортишни рақамлаштириш орқали такомиллаштириш ҳамда рақамли молиявий активларни солиққа тортиш истиқболлари каби масалаларни ўзида мужассамлаштиргaн.