Ҳар қайси иқтисод тизимида макроиқтисодий барқарорликни таъминлаш миллий иқтисодиёт доирасида, жаҳон хўжалигида ҳам энг устувор масалалардан бири сифатида қаратилади. Иқтисодиётни ривожлантириш асосан учта йўналишда амалга оширилади, биринчиси бу бозор механизмлари орқали, яъни бозорнинг ўзининг объектив талаблари асосида иқтисодиёт ривожланиб, барқарорликнинг айрим йўналишлари объектив иқтисодий жараён сифатида шаклланади, иккинчиси бу давлатнинг иқтисодиётни тартибга солиш орқали миллий иқтисодиётда макроиқтисодий барқарорлик таъминланиб боради, бозор муносабатларида ҳал этиб бўлмайдиган масалалар давлатнинг зарурий инструментларини қўллаш орқали таъминланади ва учинчиси бу ташқи омиллар бўлиб, миллий иқтисодиётнинг бошқа ташқи бозорлар билан ўзаро алоқасини ташкил килиш ва уни ривожлантиришнинг зарурлиги ва шу каби йўналишларда юз беради.
Сўнгги йилларда солиққа риоя қилиш масаласи фискал барқарорлик, иқтисодий ривожланиш ва ижтимоий тенгликка таъсири туфайли тобора кўпроқ эътиборни тортмоқда
Бюджет харажатлари самарадорлигини баҳолаш ва оптималлаштириш молиявий муваффақият ва мақсадларга эришиш учун жуда муҳимдир. Бюджет харажатларини баҳолаш ва оптималлаштириш корхоналар ва ташкилотларнинг молиявий аҳволи ва муваффақиятида ҳал қилувчи роль ўйнайди. Муҳими бюджет харажатларини баҳолаш ва оптималлаштириш самарали молиявий бошқарувнинг муҳим элементлари ҳисобланади. Улар корхона ва ташкилотларга ўз молиялари устидан кўпроқ назоратни таъминлайди, онгли қарорлар қабул қилишни осонлаштиради ва узоқ муддатли молиявий барқарорлик ва муваффақиятга ҳисса қўшади. Бюджетларни доимий равишда баҳолаш ва оптималлаштириш орқали манфаатдор томонлар ўзларининг молиявий кўрсаткичларини оширишлари, мақсадларга эришишлари ва доимий ўзгарувчан иқтисодий муҳитда барқарорликни сақлаб қолишлари мумкин.
Мамлакатда ички нархлар барқарорлиги таъминланиши макроиқти содий ва ижтимоий барқарорликнинг кафолати бўлиб, иқтисодий ислоҳот ларни жадаллаштириш ва ривожлантириш дастурларини муваффақиятли амалга оширишда зарурий шароит ҳисобланади. Бунда инфляциянинг паст ва барқарор кўрсаткичлари мувозанатли иқтисодий ўсишни таъминлаш, ишлаб чиқариш рақобатбардошлиги ва аҳолини яшаш даражасини оширишнинг муҳим омили саналади. Шу билан бирга глобал молия-иқтисодий тизимидаги мураккаб ва тез ўзгарувчан, шунингдек, валюта муносабатларини тартибга солишни либераллаштириш шароитида макроиқтисодий барқарорлик ва аҳолининг турмуш даражасини оширишни таъминлашга қаратилган монетар сиёсатнинг амалдаги инструментларини тубдан қайта кўриб чиқиш талаб этилмоқда.
