KORPORATIV MOLIYAVIY INSTRUMENTLAR YORDAMIDA KORXONALARNI MOLIYALASHTIRISH YUZASIDAN NAZARIY QARASHLAR

Iqtisodiy tarixdan ma’lumki, kompaniyalar faoliyatini rivojlantirish maqsadida ko’proq kredit va investitsiyalar instrumentlaridan foydalanib kelgan. Bu trend bugungi kungacha oʻz ahamiyatini yoʻqotmayotganiga qaramasdan, moliya bozorida alternativ moliyaviy instrumentlar – korporativ qimmatli qogʻozlarni emissiya qilish orqali kapital mablagʻlarini jalb qilish zarurati paydo bo‘ldi. Rivojlangan kapitalistik mamlakatlarda Markaziy bank va hukumat sanoat korxonalarini moliyalashtirmasligi ularning allaqachon yirik korporatsiyalar sifatida fond bozorlarida muntazam ishtirok etishlari asosida faoliyatlarini moliyalashtirishning imkoniyatlarini topganlari bilan izohlanadi.