TA’LIM VA IJTIMOIY XIZMATLARNING INSON KAPITALINI SHAKLLANTIRISHDAGI O‘RNI

Mazkur maqolada ijtimoiy xizmatlar tizimining inson kapitalini shakllantirish va rivojlantirishdagi o‘rni ilmiy-nazariy jihatdan tahlil qilingan. Ayniqsa, ta’lim, sog‘liqni saqlash, madaniyat, sport va ijtimoiy himoya xizmatlarining aholining bilim darajasi, mehnat qobiliyati, ijtimoiy faolligi hamda innovatsion salohiyatiga ta’siri ochib berilgan. Tadqiqot jarayonida ta’lim xizmatlari inson kapitalini shakllantirishdagi vazifalariga ko‘ra tasniflanib, ularning uzoq muddatli ijtimoiy-iqtisodiy samarasi asoslab berilgan. Shuningdek, O‘zbekistonda ijtimoiy xizmatlarni rivojlantirish bo‘yicha amalga oshirilayotgan islohotlar inson kapitalini iqtisodiy o‘sishning strategik omili sifatida qaror topayotganini ko‘rsatishi ilmiy jihatdan asoslanadi. Maqolada olingan xulosalar ijtimoiy xizmatlar sohasida davlat siyosatini takomillashtirish va barqaror iqtisodiy o‘sishni ta’minlashda amaliy ahamiyat kasb etadi.