БАНКЛАР РАҚАМЛАШТИРИЛГАНЛИК ДАРАЖАСИНИ АНИҚЛАШГА ҚАРАТИЛГАН МИЛЛИЙ ИНДЕКСНИ ШАКЛЛАНТИРИШНИНГ ИЛМИЙ АСОСЛАРИ

Иқтисодиётни модернизация қилиш жараёни рақамли технологиялар тараққиёти, хусусан катта маълумотлар таҳлили (Big Data) ва сунъий интеллект технологияларининг кенг жорий этилиши билан тавсифланади. Мазкур технологик ютуқлар иқтисодиётнинг деярли барча тармоқларида туб институционал ва функционал ўзгаришларни юзага келтирмоқда. Бу жараёнлар молия бозорида иқтисодий муносабатларни амалга оширишда муҳим воситачилардан бири ҳисобланган тижорат банклари фаолиятига ҳам сезиларли таъсир кўрсатмоқда.