Мақолада инклюзив тадбиркорликнинг моҳияти, ўзига хос хусусиятлари ва афзалликлари, унинг давлат ижтимоий-иқтисодий сиёсатида тутган ўрни ёритилган, шунингдек “инклюзив тадбиркорлик” тушунчасига таъриф берилган. Тадбиркорлик фаолиятида инклюзив ёндашув имкониятлари очиб берилган. Мамлакатда, хусусан Хоразм вилоятида инклюзив тадбиркорликни қўллаб-қувватлаш борасида амалга оширилаётган ишлар таҳлил этилган. Уларни тенглик тамойилларига таянган ҳолда ривожлантиришга оид таклифлар илгари сурилган.